«У нас у Беларусі камары памерам з ката і бульба драпежная»

Беларусы раяць расіянам не прыязджаць у нашу краіну.

Пасля паспяховых удараў ЗСУ па расійскай сталіцы яшчэ больш яе жыхароў задумаліся пра пераезд. Многія масквічы пытаюцца ў сацсетках, дзе іх будуць рады бачыць.

Прыклад такога паста прыводзіць карыстальніца Threads пад нікам d.alesiia:

«Хлопцы, сітуацыя ў Маскве накаляецца, хто куды думае пераязджаць? Не магу выбраць горад, у які хацела б перабрацца».

Аўтарка паста атрымала мноства адказаў ад карыстальнікаў усіх краін, якія атачаюць Расію. Сайт Charter97.org прыводзіць некаторыя каментары беларусаў і ўкраінцаў:

— Галоўнае, у Мінск не едзьце. Тут расійскія рублі не прымаюць, абслугоўванне жудаснае паўсюль, смеціць на вуліцах нельга, а самае галоўнае — пасля слова «Белоруссия» вас адным пінком адправяць назад у Расію.

— У Бахмут. Кажуць, там пасля «рускага міру» вельмі добра жыць.

— У нас у Беларусі камары памерам з ката і бульба драпежная на палях, турысты часам знікаюць.

— Пераязджайце ў мой горад. Мікалаеўка, Данецкая вобл. Здам сваю кватэру толькі за камуналку. Вам вельмі спадабаецца. Тыдзень таму зроблены рамонт у расійскім стылі. Заходзьце, не саромейцеся.

— Не трэба ў Беларусь, у нас тут, у асноўным, у вёсках жывуць, а ў гарадах суцэльны саўок, народу наогул няма, расійскія рублі не прымаюць, сустракаюцца тыя, хто па-беларуску гаворыць, не любяць, калі хтосьці кажа «Белоруссия». Карацей, дрэнна ў нас, не трэба сюды ехаць.

— Толькі не ў Беларусь, там усіх прыезджых адразу на бульбяныя плантацыі жыць адпраўляюць.

— Можам толькі зэфірам пачаставаць і пажадаць шчаслівай дарогі.

— Вы забыліся дадаць, што ў нас яшчэ і за парушэнне правілаў дарожнага руху таксама пінком адправяць назад, ёсць адчуванне, што беларусы хутка пачнуць біць расіян на дарогах.

— А яшчэ дзяўчаты нямодныя, усе з сэканд-хэндаў апранутыя, хмурыя, змрочныя. Адна туга.

— Раней крыўдавала на беларусаў, калі чытала іх каментары пра расіян, а цяпер падтрымліваю. Бо яны ва ўсім маюць рацыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com