Украінцы нанеслі ўдары па пунктах кіравання акупантаў

Таксама паражаныя нафтавыя тэрміналы і рэзервуары.

4 чэрвеня і ў ноч на 5 чэрвеня Сілы абароны нанеслі ўдары па шэрагу аб’ектаў расійскіх акупантаў. Пра гэта паведамілі у Генштабе ЗСУ.

Паражаны пункт кіравання праціўніка ў раёне Камянскага (Запарожская вобласць), а таксама камандна-назіральны пункт падраздзялення ў раёне Саледара (Данецкая вобласць).

Таксама паражаныя пункты кіравання БПЛА праціўніка ў раёнах Комара і Уваскрэсенкі на Данеччыне, а таксама Канавалавай і Яблыкава на Запарожжы.

Пад ударам Сіл абароны таксама знаходзяцца скупчэнні жывой сілы праціўніка ў раёнах Марыупаля, Шаўчэнкі і Фёдараўкі Данецкай вобласці, Прамення — Запарожскай вобласці, а таксама Жураўлёўкі Белгародскай вобласці, РФ.

Паводле дадатковага аналізу даных, 30 мая 2026 года ў раёне марскога нафтавага тэрмінала «Феадосія» ў Крыме былі пашкоджаны нафтавы рэзервуар РВС-20000 і два РВС-5000.

Таксама пацверджаныя вынікі ўдару па лінейнай вытворча-дыспетчарскай станцыі «Лазарава» (Гоніна, Кіраўская вобласць, РФ) 31 мая 2026 года — знішчаныя два рэзервуары, пашкоджаныя яшчэ два рэзервуары і насосная станцыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com