Жыхары РФ чакаюць выбуховага росту цэн у бліжэйшы час

На фоне дэфіцыту паліва і росту яго кошту.

Амаль палова расіян чакае паскарэння інфляцыі на фоне дэфіцыту паліва і росту цэн на бензін. Пра гэта сведчаць вынікі апытання фонду «Общественное мнение» (ФОМ), піша «Дыялог».

Паводле дадзеных даследавання, 49% рэспандэнтаў лічаць, што ў бліжэйшы месяц цэны на тавары і паслугі будуць расці хутчэй, чым раней.

Месяцам раней такой думкі прытрымліваліся 35% апытаных. Пры гэтым частка тых, хто чакае захавання ранейшых тэмпаў росту цэн, скарацілася з 40% да 31%.

Такія відавочныя змены настрояў звязаныя з паліўным крызісам у РФ. Паводле дадзеных Расстата, за апошнія чатыры тыдні бензін падаражэў на 7,9%, а дызельнае паліва — на 9,5%. На гэтым фоне тыднёвая інфляцыя ў чэрвені таксама пачала паскарацца.

Кіраўніца Банка Расіі Эльвіра Набіуліна раней адзначала, што збоі з палівам фармуюць чаканні далейшага росту цэн. На думку інвестбанкіра Яўгена Когана, падаражанне лагістыкі ў бліжэйшыя месяцы будзе адбівацца на кошце шырокага кола тавараў, таму высокая інфляцыя, верагодна, захаваецца як мінімум да канца лета.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com