Кітай адмовіўся дапамагаць Крамлю

Пекін не будзе будаваць судны для Паўночнага марскога шляху.

Кітай дэ-факта далучыўся да заходніх санкцый на пастаўкі ў Расію тэхналогій для суднаў арктычнага класа, якія маглі б хадзіць па Паўночным марскім шляху, вынікае з прэзентацыі Цэнтральнага навукова-даследчага інстытута марскога флоту (ЦНДІМФ).

Згодна з дакументам, які цытуюць «Ведамасці», кітайскія варыянты рухальна-рулявога комплексу для буйнатанажных суднаў ледавога класа магчымыя толькі «пры ўмове аслаблення санкцыйнага ціску». Пры гэтым расійскіх энергетычных установак для такіх суднаў на дадзены момант няма.

Паводле ацэнак ЦНДІМФ, расійскім кампаніям да 2030 года патрабуецца не менш як 10 нафтавых танкераў (дэдвейтам 120 тысяч тон), не менш як пяць газавозаў для перавозкі СПГ (174 тысячы кубаметраў), тры ўніверсальныя сухагрузы па 40 тысяч тон, а таксама два танкеры пад газавы кандэнсат і тры — пад звадкаваны вуглевадародны газ (СУГ). Усе яны павінны адпавядаць найвышэйшаму ледавому класу Arc7 — то бок круглы год працаваць у Арктыцы.

Аднак расійскія верфі практычна не будуюць буйнатанажныя судны ледавога класа, сказаў «Ведамасцям» намеснік дырэктара ЦНДІМФ Аляксандр Буянаў. Праблема, паводле яго слоў, не толькі ў магутнасцях верфяў, але і ў адсутнасці неабходнага абсталявання: расійскага няма, заходняе — пад санкцыямі, а кітайскае — звязана з санкцыйнымі абмежаваннямі.

Яшчэ ў 2018 годзе, пачынаючы чацвёрты тэрмін, прэзідэнт Уладзімір Пуцін паставіў амбіцыйную мэту — ператварыць у ажыўленую гандлёвую артэрыю Паўночны марскі шлях, які пралягае ад праліва Карскія вароты да Берынгава праліва і перасякае пяць арктычных мораў на працягласці 5,6 тысячы км, піша The Moscow Times.

Паводле плана Пуціна да 2024 года грузапатокі па СМП, з Азіі ў Еўропу і назад, павінны былі дасягнуць 80 млн тон штогод, а да 2030 года — 200 млн тон. У рэчаіснасці ў 2024 годзе ўдалося перавезці 37,9 млн тон, а ў мінулым годзе — яшчэ менш: 37,02 млн тон.

У верасні 2024 года «Расатам» амаль у два разы знізіў прагноз па перавозках праз СМП — да 117 млн тон да 2030 года. У мінулым годзе Пуцін агучыў новую ацэнку — яшчэ на 15–40% ніжэй. «Мы ўпэўнены, што да 2030 года гэта (грузапаток па СПМ — ТМТ) будзе 70–100 млн тон», — казаў прэзідэнт.

Хаця СМП дазваляе на 7–10 дзён скараціць тэрмін плавання з Еўропы ў Азію ў параўнанні з традыцыйным маршрутам праз Суэцкі канал, знайсці ахвотных адпраўляць грузы праз расійскую Арктыку аказалася няпроста. У 2025 годзе аснову грузапатоку СМП складаў расійскі экспарт (60%, або 22,2 млн тон), згодна з падлікамі цэнтра «Гекон». Доля СПГ, нафты і газакандэнсату складала 83%. Пастаўкі ішлі з праектаў «Ямал СПГ», НОВАТЭКа, «Арктык СПГ-2» і Навапортаўскага радовішча «Газпрам нафты».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com