Качанаву накіравалі супакойваць збунтаваных у Беларусі ўзбекістанцаў

Лукашысцка паабяцала «зрабіць усё» для працоўных мігрантаў.

Старшыня «савета рэспублікі» Наталля Качанава наведала ў Наваполацку прадпрыемства, дзе працуюць грамадзяне Узбекістана, і заявіла, што ўлады зробяць усё для іх камфортнага знаходжання ў Беларусі, паведамілі ў Віцебскім аблвыканкаме. Візіт адбыўся пасля публікацыі відэа, у якім група мігрантаў з Узбекістана скардзілася на ўмовы працы і пражывання.

Качанава пабывала на Наваполацкім рэгіянальным комплексе па абыходжанні з цвёрдымі камунальнымі адходамі і сустрэлася з працоўнымі мігрантамі з Узбекістана.

«Я прыехала на „Біямехзавод“, дзе цяпер дзесяць чалавек (грамадзян Узбекістана. — Заўв. рэд.) працуюць. Пытанняў у іх няма. Я паабяцала, што мы зробім усё для таго, каб і надалей так было. Але для гэтага мы павінны быць інфармаваныя», — сказала Качанава (цытата паводле БелТА).

Чыноўніца заявіла, што цяпер у прыезджых «пытанняў няма»:

«Я паабяцала, што мы зробім усё для таго, каб у іх і далей не было пытанняў, але для гэтага мы павінны быць інфармаваныя. Людзі павінны разумець: каб зарабіць зарплату і грошы, вядома, трэба працаваць. Але яны разумеюць, ментальна мы вельмі падобныя. Гэта працавіты народ, мы іх вельмі добра ведаем, мы добра сябруем з гэтай краінай. У нас склаліся выдатныя адносіны» (цытата паводле СТВ).

«Гэтыя людзі (ідзецца пра работнікаў прадпрыемства „Біямехзавод бытавых другасных рэсурсаў“. — Заўв. рэд.) упершыню ў Беларусі. Вядома, яны ўбачаць, лепш пазнаюць нашу краіну, наш добразычлівы народ, і я ўпэўнена, палюбяць», — дадала яна.

Падчас размовы яна пацікавілася ўмовамі іх працы і пражывання. Паводле слоў Качанавай, досвед прыцягнення працоўных мігрантаў для Беларусі не новы.

«Хочам, каб вам спадабалася ў Беларусі, і зробім усё для камфортнага знаходжання», — сказала яна.

Нагадаем, днямі ў Беларусь прыбылі каля 250 працоўных мігрантаў з Узбекістана. Пасля гэтага ў інтэрнэце з’явілася відэа, знятае часткай прыбылых работнікаў. На запісе некалькі мужчын у аднолькавых спартовых касцюмах скардзіліся, што незадаволеныя прапанаванымі ім умовамі працы і пражывання і хочуць вярнуцца на радзіму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com