Блогерка з РФ паскардзілася, што на прыгранічнай АЗС у Беларусі ёй «не налівалі поўны бак»

Ёй давялося «зрабіць два заходы па 30 літраў, а потым яшчэ адзін на 20».

Расійская блогерка Ірына Гольдман распавяла ў Instagram, што на беларускай аўтазаправачнай станцыі перад мяжой з Расіяй ёй «не налівалі поўны бак». Па словах інфлюэнсеркі, ёй давялося «зрабіць два заходы па 30 літраў, а потым яшчэ адзін на 20».

«Упершыню ў жыцці я запраўіла машыну перад мяжой, на ўсякі выпадак, і не пралічылася. Нават у Беларусі мне не налівалі поўны бак, давялося зрабіць два заходы па 30 літраў і потым яшчэ адзін на 20», — распавяла дзяўчына ў сваім Instagram.

Каб высветліць, чаму блогерцы адразу не залілі поўны бак, журналістка «Зеркала» пад выглядам звычайнай грамадзянкі патэлефанавала на АЗС «Беларуснафта» ў Езерышчы, якая знаходзіцца каля расійскай мяжы.

— У нас функцыі «поўны бак» няма, мы прыгранічная зона, — патлумачыла супрацоўніца запраўкі.

— А што гэта значыць?

— Гэта значыць, што мы працуем па перадплаце.

— То бок поўны бак я заліць не магу?

— У нас функцыі «поўны бак» няма. Бярыце хоць тону, але па перадплаце. Вы павінны мне альбо назваць грашовы эквівалент, альбо літраж — і тады запраўляцца.

— То бок, калі ў мяне ў баку 10 літраў, а сам бак 50, дык я магу заліць 40 літраў? Няма абмежаванняў у 30, 20 або 10 літраў у адзін бак?

— Можаце заліць колькі заўгодна, лішняе вам вернецца на карту, калі вы пераплацілі. Лейце хоць тону, хоць дзве, — запэўнілі на АЗС.

Нагадаем, раней у сацсетках пачала распаўсюджвацца інфармацыя пра тое, што ў гарадскім пасёлку Езерышча Віцебскай вобласці, які размешчаны ў двух кіламетрах ад памежнага МАПП Лобок Пскоўскай вобласці, нібыта «абмежавалі запраўку аўтамабіляў 20 літрамі паліва».

Але ў «Беларуснафце» заявілі, што «дэфіцыту паліва на АЗС „Беларуснафты“ няма», а інфармацыя пра ўвядзенне лімітаў — фэйк.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com