У Варшаве развіталіся з пісьменніцай Святланай Курс

Цела пісьменніцы крэміравалі.

У нядзелю ў Варшаве развіталіся з пісьменніцай Святланай Курс. Праводзіць яе ў апошні шлях прыйшлі родныя, сябры і адданыя чытачы. Цела пісьменніцы крэміравалі.

Святлана памерла 20 ліпеня ў 54 гады. Больш за год яна змагалася з ракам і апошні час была ў бальніцы.

Святлана Курс нарадзілася ў вёсцы Загалье Любанскага раёна Мінскай вобласці. Журналістка, пісьменніца і перакладчыца ў 1994 годзе скончыла філалагічны факультэт Беларускага дзяржаўнага ўніверсітэта. Працавала ў незалежных беларускіх СМІ, супрацоўнічала з часопісамі ARCHE, «Дзеяслоў».

У 2013 годзе была стыпендыяткай літаратурнай рэзідэнцыі Villa Aurora und Thomas Mann House у Германіі. У 2018 годзе стала лаўрэаткай творчага конкурсу Беларускай асацыяцыі журналістаў «Вольнае слова».

Аўтарка кніг «Шлях дробнай сволачы» (2008) і «Па што ідзеш, воўча?» (2020), перакладзенай на некалькі еўрапейскіх моў.

У 2021 годзе ўганаравана Прэміяй імя Ежы Гедройца за кнігу «Па што ідзеш, воўча?».

Святлане Курс было 54 гады, у яе было анкалагічнае захворванне. Апошнія гады яна жыла ў Польшчы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com