Пашынян: Еўразійскі эканамічны саюз паралізаваны і не працуе

Прэм’ер Арменіі прадказаў Пуціну «канец ЕАЭС» з-за гандлёвай вайны з Ерэванам.

Расійскія забароны на імпарт армянскай прадукцыі могуць абярнуцца крахам Еўразійскага эканамічнага саюза (ЕАЭС), заявіў прэм’ер-міністр рэспублікі Нікол Пашынян. «Праблема не ў Арменіі, а ў ЕАЭС, бо насамрэч атрымліваецца, што Еўразійскі эканамічны саюз паралізаваны і не працуе. Калі гэтае пытанне не будзе вырашана ў бліжэйшы час, я прадказваю, што гэта стане пачаткам канца ЕАЭС», — адзначыў Пашынян (цытата паводле «Арменпрэс»).

Ён паведаміў, што даў зразумець прэзідэнту Расіі Уладзіміру Пуціну падчас тэлефоннай размовы 27 ліпеня, што працягне курс на пошук іншых партнёраў. «Арменія мае законнае права фарміраваць для сябе альтэрнатывы… Мы праклалі гэты шлях і будзем ісці ім», — запэўніў Пашынян, падкрэсліўшы, што эпоха, калі ў краіны не было выбару, «скончылася». Прэм’ер таксама назваў неправамернымі абмежаванні на пастаўкі армянскіх тавараў у Расію і заклікаў Пуціна «прыняць меры». Той у сваю чаргу зноў настойваў на правядзенні ў Арменіі рэферэндуму аб уступленні ў Еўрасаюз або далейшым знаходжанні ў ЕАЭС. Пашынян сказаў, што гэтае пытанне стане актуальным толькі пасля таго, як рэспубліка афіцыйна падасць заяўку на сяброўства ў ЕС.

Расія пачала паслядоўна забараняць імпарт прадукцыі з Арменіі з канца мая. За апошнія два месяцы былі абмежаваныя пастаўкі кветак, свежых таматаў, агуркоў, баклажанаў, бульбы, зеляніны, трускавак, вішань, вінаграду, груш, айвы, сухафруктаў, жывой рыбы, малочнай прадукцыі, мінеральнай вады і алкаголю. Таксама пад забарону трапіў транзіт усяго пералічанага праз тэрыторыю Расіі ў краіны ЕАЭС.

Першыя абмежаванні з’явіліся перад парламенцкімі выбарамі ў Арменіі, якія адбыліся 7 чэрвеня. Пасля перамогі партыі Пашыняна іх колькасць рэзка ўзрасла. Прэм’ер рэспублікі называў забарону на ўвоз армянскіх прадуктаў у Расію палітызаванай. Пазней Ерэван перанакіраваў частку тавараў на іншыя рынкі, у тым ліку ў Еўропу.

Адначасова ЕС выдзеліў Арменіі 34 млн еўра экстраннай дапамогі і паабяцаў павялічыць падтрымку да 50 млн еўра для «ўмацавання эканамічнай устойлівасці» і пераарыентацыі экспарту. Таксама блок мае намер вызваліць ад пошлін амаль 80% армянскіх тавараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com