Меланія Трамп дапамагла вярнуць яшчэ сямёх украінскіх дзяцей
- 31.07.2026, 5:59
Новая гуманітарная аперацыя стала пятай з моманту пачатку ініцыятывы.
Першая лэдзі ЗША Меланія Трамп дапамагла вярнуць дадому яшчэ сямёх украінскіх дзяцей, якіх Расія разлучыла з сем’ямі. Гэта ўжо пятая гуманітарная аперацыя з яе ўдзелам, гаворыцца ў афіцыйным паведамленні Белага дома.
Паводле звестак Белага дома, гэтым разам ва Украіну вярнуліся шасцёра хлопчыкаў і адна дзяўчынка. Усяго падчас пяці гуманітарных місій дадому вярнулі 30 украінскіх дзяцей.
«Кожнае дзіця заслугоўвае бяспечнага дома, і я ганаруся тым, што змагла дапамагчы яшчэ сямі украінскім дзецям вярнуцца да сваіх сем’яў», — заявіла Меланія Трамп.
Амерыканскія СМІ нагадваюць, што Украіна ацэньвае колькасць незаконна вывезеных у Расію дзяцей больш як у 20 тысяч. Міжнародны крымінальны суд у 2023 годзе выдаў ордэр на арышт Уладзіміра Пуціна менавіта па падазрэнні ў незаконнай дэпартацыі ўкраінскіх дзяцей.
Вяртанне ўкраінскіх дзяцей з Расіі і з акупаваных тэрыторый застаецца адным з ключавых гуманітарных напрамкаў. За апошнія месяцы Белы дом ужо некалькі разоў паведамляў пра пасярэдніцтва Меланіі Трамп у такіх місіях. У лютым Уладзімір Зяленскі заявіў, што ў межах ініцыятывы Bring Kids Back UA ўдалося вярнуць ужо дзве тысячы дзяцей. Аднак тысячы непаўналетніх дагэтуль застаюцца на часова акупаваных тэрыторыях або ў Расіі.
Міжнародныя арганізацыі і еўрапейскія інстытуты працягваюць патрабаваць ад Расіі вярнуць незаконна вывезеных украінскіх дзяцей. У прыватнасці, Камітэт Рады Еўропы заклікаў Маскву выканаць рашэнне Еўрапейскага суда па правах чалавека адносна дэпартацыі дзяцей і забяспечыць іх вяртанне ва Украіну.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
