«Кожны раз здзіўляюся гэтай ганьбе»

Беларуска абурылася праблемай на вакзале ў Мінску.

Беларуска ў Threads абурылася камерамі захоўвання на Цэнтральным чыгуначным вакзале ў Мінску. Паводле яе слоў, каб здаць або забраць багаж, трэба адстаяць вялікую чаргу, да таго ж камеры не працуюць уначы, піша «Зеркало».

«Кожны раз здзіўляюся гэтай ганьбе: камеры захоўвання галоўнага вакзала сталіцы. Вялізны пасажырапаток. Кожныя выходныя адбываецца тое, што на фота: людзі не змяшчаюцца ў самае памяшканне, чарга выходзіць у пераход на вакзале. Каб пакінуць багаж, у такой чарзе спатрэбіцца (з асабістага досведу) каля гадзіны. Няма ячэек, якія не патрабуюць удзелу работніка. І вішанька: яны не працуюць уначы. У сталіцы!!» — напісала беларуска на сваёй старонцы.

У каментарыях яе падтрымалі карыстальнікі. Некаторыя параўноўвалі з вакзаламі ў іншых гарадах Беларусі, дзе ў гэтым пытанні ёсць перавага:

«Нядаўна былі ў Гродне і Брэсце, заўважылі, што там ёсць аўтаматычныя камеры захоўвання рэчаў! Гэта аказалася так зручна, здзівіліся, што ў Мінску такога няма».

«У Гомелі электронныя ячэйкі, прыходзь, калі табе трэба. Салідарнасць».

«Якім было наша здзіўленне, калі мы прыехалі з Брэста ў 22 гадзіны, каб праз пару гадзін паехаць у аэрапорт, а нам сказалі, што камеры працуюць з 6:00 да 0:00. Пасля аўтаматычных камер захоўвання ў Брэсце гэта быў шок».

«Так, сёння назіралі гэтую карцінку. Няма слоў, толькі нецэнзурныя. Давялося з цяжкай валізай ісці ў гандлёвы цэнтр, каб паабедаць і дачакацца цягніка».

«Скарацілі ўсіх, каго толькі можна»;

«І насільшчык з вазком адзін, з 7 раніцы да 11 вечара. А цягнікоў начных шмат. Дапамогі не будзе, ды і цэннік велізарны. І ўначы самастойна вазок не ўзяць, бо камера захоўвання закрытая!»;

«Мая дачка неяк здала туды чамадан, але не прачытала, што яны працуюць толькі да 21:00, і спазнілася хвілін на дзесяць. Давялося прапусціць свой начны цягнік і начаваць у знаёмых».

На здзіўленае пытанне адной з жанчын, калі з'явіліся такія чэргі, аўтарка паста адказала: «Ужо пару гадоў так. Вось калі расіяне адкрылі Беларусь як краіну для турызму».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com