У мінскім «Еўраопце» з'явіліся электронныя цэннікі

Цэны на тавары цяпер будуць змяняцца аўтаматычна.

На навіну з аднаго са сталічных «Еўраоптаў» звярнула ўвагу адна з карыстальніц у Threads, піша Blizko.by.

«Электронныя цэннікі замест папяровых, цэны будуць змяняцца аўтаматычна. Выглядаюць нязвыкла, такія чорныя экранчыкі», — падзялілася навіной і фота беларуска.

У каментарыях дзяўчына ўдакладніла, што пакуль убачыла такія цэннікі толькі ў «Еўраопце» побач з ЦУМам. Як хутка гэты досвед распаўсюдзіцца на іншыя крамы сеткі і ці выйдзе за межы сталіцы, пакуль незразумела. Аднак, як адзначалі ў абмеркаваннях, у некаторых краінах Еўропы і Расіі такія цэннікі заўважалі ўжо даўно.

Беларусы неадназначна адрэагавалі на навіну пра новаўвядзенне. Частка людзей лічыць, што электронныя цэннікі дапамогуць зэканоміць паперу і спрасціць працу ў крамах.

Аднак іншыя паставіліся да ідэі скептычна. Некаторыя засумняваліся ў яе экалагічнасці, адзначаючы, што такія прылады ўсё адно патрабуюць батарэек або іншых крыніц сілкавання.

Некаторыя карыстальнікі выказалі меркаванне, што электронныя цэннікі могуць прыцягнуць увагу злодзеяў, як гэта ўжо здаралася ў Расіі. Іншыя звярнулі ўвагу на тое, што надпісы на такіх таблічках могуць быць занадта дробнымі, што створыць нязручнасці для людзей са слабым зрокам.

Прагучаў і жарт пра магчымую праблему з хуткай зменай цэн: пакупнік можа ўзяць тавар па адной цане, а пакуль дойдзе да касы, яна ўжо можа стаць іншай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com