Зяленскі распавёў пра поспехі ў блакаванні расійскага поўдня
- 15.08.2026, 7:30
ФОТА: GETTY IMAGES
Выконваецца план далёкасяжных санкцый Украіны.
На пасяджэнні Стаўкі Вярхоўнага Галоўнакамандуючага вызначылі крокі і меры па ўмацаванні напрамкаў Славянска і Канстанцінаўкі. Пра гэта заявіў прэзідэнт Украіны Уладзімір Зяленскі у вячэрнім відэазвароце.
Ён падзякаваў украінскім падраздзяленням, якія знішчаюць акупантаў і супрацьдзейнічаюць расійскім штурмам і іх «прасочванню».
«Разлічваем, што цяпер, у жніўні, будзе знішчана не менш за 30 тысяч акупантаў», — адзначыў Зяленскі.
Таксама прэзідэнт Украіны падкрэсліў, што сёлета Украіна змагла перайсці да значна больш тэхналагічнай абароны.
«Выконваецца план далёкасяжных санкцый, і ўсё больш нашых удараў па цэлях на сярэдніх дыстанцыях. Фактычна мы дасягнулі блакавання расійскага поўдня, і гэтую стратэгічную аперацыю пашыраем — пашыраем цалкам справядліва — у адказ на расійскія ўдары па нашых партах, па нашых гарадах», — падкрэсліў Зяленскі.
Паводле яго слоў, неабходна аказваць ціск на расійскае грамадства, каб яно ўсвядоміла: вайну трэба завяршыць. Ён дадаў:
«Нашы санкцыі супраць расійскіх НПЗ, іх аб'ектаў у расійскай нафтавай сферы, нашы ўдары па расійскай ваеннай лагістыцы, наша аперацыя ў акваторыі Чорнага і Азоўскага мораў — усё гэта накіравана на абмежаванне патэнцыялу расійскай вайны. Важна працягваць гэта таксама і больш актыўнымі палітычнымі і юрыдычнымі дзеяннямі».
Пры гэтым ён падкрэсліў, што прынята рашэнне аб украінскім пакеце санкцый супраць кампаній і суднаў, якія вывозяць украдзенае з часова акупаванай тэрыторыі Украіны збожжа і іншыя тавары. Таксама рыхтуюцца новыя пакеты санкцый супраць расійскай ваеннай прамысловасці, супраць фінансавых ланцужкоў і пасярэднікаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
