У Варшаве адбыўся найбуйнейшы ў гісторыі Польшчы ваенны парад

Па вуліцах горада прайшлі сотні адзінак тэхнікі, а ў неба ўзняліся F-35 і F-16.

У Варшаве на Віслострадзе адбыўся ваенны парад — галоўная падзея штогадовых мерапрыемстваў, прысвечаных Дню Войска Польскага і 106-й гадавіне Варшаўскай бітвы, паведамляе Polskie Radio. Сёлета яны праходзяць пад лозунгам Polska SAFE — «Бяспечная Польшча».

Першымі над польскай сталіцай праляцелі самалёты і верталёты розных тыпаў. Асаблівую ўвагу прыцягнулі сучасныя польскія знішчальнікі F-35 Husarz, а таксама Jastrzębie — польскія F-16.

За парадам назіралі, у прыватнасці, прэзідэнт Кароль Навроцкі, вярхоўны галоўнакамандуючы Узброенымі Сіламі, а таксама кіраўнік Міністэрства нацыянальнай абароны, віцэ-прэм’ер Уладзіслаў Касіняк-Камыш.

Другі раз варшаўскі парад адбыўся адначасова з марскім парадам. У спецыяльным страі прайшлі каля дваццаці караблёў і іншых суднаў Ваенна-марскіх сіл Польшчы і саюзных дзяржаў. Адбыўся таксама пралёт марской авіяцыі. Марскі парад у Гдыні адкрыў прэм’ер-міністр Дональд Туск.

У межах параду вайскоўцы і ваенная тэхніка прайшлі па Віслострадзе з поўначы на поўдзень. У сухапутных, паветраных і марскіх паказах узялі ўдзел некалькі тысяч вайскоўцаў усіх відаў Узброеных Сіл Польшчы, а таксама саюзных армій.

У парадзе на Віслострадзе ўзялі ўдзел амаль дзве тысячы вайскоўцаў і каля 300 адзінак тэхнікі, у тым ліку баявыя машыны пяхоты Borsuk, бронетранспарцёры Rosomak, танкі Leopard, K2 і Abrams, самаходныя гаўбіцы Krab, мінамётныя комплексы Rak, беспілотнікі Gladius, сістэмы Poprad, HIMARS і Patriot.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com