Навуковец выказаўся пра рассакрэчаныя файлы Пентагона аб НЛА

Паводле яго слоў, людзі могуць прыняць тое, што іншапланецяне існуюць.

Нядаўна Пентагон абнародаваў новую партыю рассакрэчаных дакументаў, у якіх утрымліваецца інфармацыя аб НЛА. Усе гэтыя аб’екты пакуль не паддаюцца тлумачэнню. Навукоўцы працягваюць пошук доказаў таго, што, прынамсі, некаторыя НЛА могуць мець пазаземнае паходжанне.

Майк Голд, навуковец і прэзідэнт аэракосмічнай кампаніі Redwire Space, які ў 2022 і 2023 гадах уваходзіў у склад даследчай групы NASA па вывучэнні НЛА, лічыць, што людзі змогуць змірыцца з фактам, што іншапланецяне існуюць, калі будуць атрыманыя доказы гэтага, піша Space.

- Мы павінны ўважліва збіраць інфармацыю, не баяцца рабіць высновы аб НЛА, незалежна ад таго, наколькі нечаканымі могуць аказацца вынікі, — кажа Голд.

Паводле навукоўца, Міністэрства абароны ЗША ў нядаўняй публікацыі дакументаў аб НЛА таксама выкарыстоўвала звесткі, сабраныя NASA не толькі на Зямлі, але і на Месяцы. Ёсць выявы, што паказваюць загадкавыя аб’екты на спадарожніку Зямлі, якія так ніхто і не здолеў патлумачыць з часу завяршэння высадкаў астранаўтаў на Месяц у 1972 годзе.

Горд лічыць, што грамадскасці трэба даць поўны спіс усіх наяўных дакументаў, фотаздымкаў і відэазапісаў, якія тычацца НЛА.

- Мы знаходзімся ў працэсе раскрыцця інфармацыі. Менавіта гэта і прадстаўляюць дакументы Белага дома. Тое, што адбываецца, — беспрэцэдэнтна, — кажа Голд.

Хоць ён адзначае, што многія крытыкі заяўляюць пра занадта маруднае раскрыццё інфармацыі аб НЛА. Але навуковец лічыць, што на працягу бліжэйшага года Пентагон разам з NASA апублікуюць больш рассакрэчаных файлаў.

Магчыма, далейшы аналіз дапаможа знайсці доказы таго, што некаторыя НЛА сапраўды з’яўляюцца тэхналогіямі іншапланецян. Калі гэта адбудзецца, ці зможа грамадскасць прыняць такое развіццё падзей?

- Думаю, грамадскасць зможа прыняць тое, што іншапланецяне існуюць. Апытанні ўжо паказваюць, што людзі ў гэта вераць, — кажа Голд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com