У Беларусі з’явіліся «бездакорна фальшывыя» долары

Фальшыўку «класу люкс» выявілі ў Віцебску.

«Бездакорную фальшыўку» прынесла ў адзін з банкаў Віцебска жыхарка абласнога цэнтра, паведамілі у Дзяржаўным камітэце судовых экспертыз (ДКСЭ).

Жанчына паспрабавала абмяняць падробку ў абменным пункце. Супрацоўнік фінансавай установы засумняваўся ў сапраўднасці банкноты і выклікаў міліцыю. Купюру забралі і накіравалі на экспертызу.

Спецыялісты пацвердзілі — банкнота падробленая. Для яе вырабу выкарыстоўвалася абсталяванне, якое дазваляе наносіць выяву пры дапамозе глыбокага друку (металаграфіі). Як адзначылі ў ДКСЭ, гэта «надзвычай складаная тэхналогія, якая выкарыстоўваецца дзяржаўнымі манетнымі дварамі», пры якой «фарба пад высокім ціскам пераносіцца са спецыяльных металічных пласцінаў-клішэ на паперу, утвараючы рэльеф, адчувальны пальцамі».

«Нягледзячы на бездакорнасць выканання падробкі, экспертнае абсталяванне і прафесійныя веды судовых экспертаў не пакінулі злачынцам шанцаў», — адзначылі ў ДКСЭ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com