Зяленскі ўзнагародзіў акцёра, які сыграў беларускага партызана

Ён актыўна падтрымлівае Украіну.

21 жніўня ў Кіеве адбыўся трэці саміт дзяржаўнай фандрайзінгавай платформы UNITED24 – UNITED24 MODE, прымеркаваны да чацвёртай гадавіны яе стварэння. Уладзімір Зяленскі падзякаваў дараўцам за падтрымку Украіны. Пры гэтым шасцярых ён узнагародзіў ордэнам «За заслугі». Сярод іх актрыса Кэтрын Віннік і яе калега Ліў Шрайбер.

Ліў Шрайбер вядомы па ролях у серыяле «Рэй Донован» (галоўная роля), фільмах «Людзі Ікс: Пачатак. Расамаха» (Шаблезубы), у франшызе «Крык» (Котан Уіры), «Спотлайт», «Дзённік памяці».

Шрайбер таксама вядомы па ролі партызана Зусі Бельскага, атрад якога дзейнічаў у Беларусі, у фільме «Выклік». Яго экранным братам быў Дэніэл Крэйг.

Ліў Шрайбер актыўна падтрымлівае Украіну: у яго ўкраінскія карані (яго прадзед эміграваў з Украіны), пасля пачатку поўнамаштабнага ўварвання Расіі ён неаднаразова публічна выказваўся ў падтрымку ўкраінскага народа, наведваў Украіну, а таксама стаў сузаснавальнікам дабрачыннай арганізацыі BlueCheck Ukraine, якая займаецца дастаўкай гуманітарнай дапамогі ў зоны баявых дзеянняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com