Буданаў раскрыў падрабязнасці таемных перамоваў з РФ

Расіяне думалі, што ва Украіне адбываецца «дзяржаўны пераварот».

Расія год таму сур'ёзна лічыла, што вайна блізіцца да завяршэння, бо памылкова расцаніла мірныя пратэсты ва Украіне як прыкмету дзяржаўнага перавароту. Пра гэта заявіў кіраўнік Офіса Прэзідэнта Украіны Кірыл Буданаў у інтэрв'ю на тэлемарафоне, паведамляе «РБК-Украіна».

Паводле слоў Буданава, роўна год таму, калі ва Украіне пачаліся першыя нешматлікія пратэстныя акцыі, ён якраз вёў чарговы раўнд перамоў з расійскім бокам. Размову расіяне пачалі са сцвярджэння, што вайна фактычна завершаная і абмяркоўваць больш няма чаго. Калі Буданаў удакладніў, што яны маюць на ўвазе, высветлілася: пратэсты ва Украіне яны ўспрынялі як дзяржаўны пераварот, арганізаваны пры ўдзеле заходніх краін, і былі перакананыя, што пасля гэтага краіна кардынальна зменіцца, а значыць, можна будзе абмяркоўваць прынцыпова іншыя ўмовы.

Другім аргументам, які прыводзілі расіяне, было сцвярджэнне, што за пратэстамі нібыта стаяць заходнія агенты, а сам Буданаў, на іх думку, проста не разумее, што адбываецца ўнутры краіны. У адказ ён параіў суразмоўцам не марнаваць рэсурсы на людзей, якія пастаўляюць ім дэзінфармацыю і памылковыя ацэнкі, падкрэсліўшы, што Расія так і не навучылася разумець Украіну.

Тады Буданаў запэўніў расійскі бок, што сітуацыя неўзабаве стабілізуецца і ніякіх кардынальных змен не адбудзецца — што пасля і пацвердзілася. Паводле яго слоў, пазней расіяне самі прызналі, што памыліліся ў сваіх разліках, але прызналіся, што вельмі спадзяваліся на такі шанец і ўспрынялі момант пратэстаў як рэальную магчымасць для перамен.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com