ЗСУ ўдарылі па двух мастах і пункце ФСБ

Удары нанесеныя як па аб’ектах у РФ, так і на часова акупаваных тэрыторыях.

Сілы абароны Украіны ў ноч на аўторак, 4 жніўня, паразілі аўтамабільны і чыгуначны масты, пункт ФСБ і іншыя аб’екты расіян. Пра гэта паведамілі у Генеральным штабе ЗСУ.

Паводле звестак вайскоўцаў, паражаны аўтамабільны мост праз раку Сейм у раёне Званага Курскай вобласці РФ і чыгуначны мост праз раку Малочную ў раёне Святладолінскага Запарожскай вобласці. Акупацыйная армія выкарыстоўвае іх для вайсковай лагістыкі і перакідкі сіл і сродкаў.

Таксама былі нанесены ўдары па рамонтных падраздзяленнях акупантаў у населеных пунктах Воўчанскае Запарожскай вобласці і Вольнае Данецкай вобласці. Адначасова з гэтым у акупаваным Крыме Сілы абароны паразілі пункт сувязі і электразабеспячэння рэтранслятара для ўдарных БПЛА тыпу «Герань/Гербера» ў Аленеўцы, а таксама вежу са сродкамі радыёэлектроннай барацьбы ў Арцёмаўцы.

Акрамя таго, у Бахмуце Данецкай вобласці паражаны расійскі пункт кіравання і вузел сувязі.

Раней сайт Charter97.org пісаў, што украінскія беспілотнікі нанеслі ўдары па лагістычных аб’ектах расійскага маркетплейса Wildberries адначасова ў Маскоўскай, Ленінградскай і Цвярской абласцях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com