У Тульскай вобласці атакаваны адзін з найбуйнейшых размеркавальных цэнтраў Wildberries

Дым бачны за дзясяткі кіламетраў.

У ноч на 5 жніўня Тульская вобласць Расіі апынулася пад ударам украінскіх беспілотнікаў і ракет. Ракетная трывога дзейнічала больш за дзве гадзіны, пачынаючы з 00:34 па мінскім часе, а рэжым небяспекі з-за БПЛА захоўваўся з самага вечара і амаль да 5:00 раніцы.

Мэтай атакі стаў чарговы склад маркэтплэйса Wildberries. Пра гэта паведамляе маніторынгавы Telegram-канал Exilenova+.

Вынікі атакі

Паводле папярэдніх звестак, беспілотнікі нанеслі ўдар па складзе Wildberries у горадзе Алексін Тульскай вобласці. Каля 03:30 у пабліках пачалі распаўсюджвацца кадры магутнага пажару на тэрыторыі лагістычнага хаба. Як высветлілася па апублікаваных відэа і фота, у населеным пункце Алексіна загарэўся буйны склад кампаніі Wildberries. Пасля серыі выбухаў на аб’екце разгарэўся моцны пажар, кадры якога распаўсюджваюцца ў сетцы. Вочавідцы ў сетцы сцвярджаюць, што пажар бачны на адлегласці дзясяткаў кіламетраў. Таксама на месцы ўзняўся густы чорны дым.

Губернатар Тульскай вобласці Дзмітрый Міляеў сцвярджае, што за час паветранай трывогі падраздзяленнямі ППА нібыта былі знішчаныя 107 украінскіх беспілотнікаў.

Паводле інфармацыі чыноўніка, зафіксаваныя пашкоджанні ў двух шматкватэрных дамах у Венёўскім раёне, а таксама на двух вытворчых аб’ектах у Новамаскоўску і Узлоўскім раёне.

Акрамя таго, губернатар заявіў, што «адбылося падзенне БПЛА» на тэрыторыі сартавальнага цэнтра Wildberries з наступным яго ўзгараннем. Чыноўнік сцвярджаў, што пажарныя разлікі ліквідуюць узгаранне і папрасіў расіян не рабіць фота і відэа з месцаў здарэння, а таксама не дапускаць іх публікацыі і распаўсюду.

Што вядома пра аб’ект

Размеркавальны цэнтр Wildberries у Алексіне Тульскай вобласці — адзін з найбуйнейшых аб’ектаў кампаніі і ключавы элемент яе лагістычнай інфраструктуры. Плошча складае каля 300 тыс. кв. метраў.

Цэнтр будавалі для абслугоўвання цэнтральнай часткі Расіі і зніжэння нагрузкі на падмаскоўныя лагістычныя хабы (Каледзіна, Падольск, Электрасталь). Аб’ект прымае грузы як па схеме FBO (продаж са склада маркэтплэйса), так і FBS (продаж са склада прадаўца).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com