Беларус знайшоў у кватэры тры пісталеты

Два з іх былі нямецкімі часоў Другой сусветнай вайны.

Жыхар Бабруйска знайшоў у кватэры памерлага сваяка тры старадаўнія пісталеты і патроны, паведамляе прэс-служба Дзяржаўнага камітэта судовых экспертыз.

Знаходцы 22-гадовы хлопец не ўзрадаваўся і патэлефанаваў у міліцыю.

Высветлілася, што дзядзька бабруйчаніна дзесяцігоддзямі таемна захоўваў зброю як сямейную рэліквію, якая дасталася яму ў спадчыну ад яго дзеда.

Вылучаную зброю праваахоўнікі накіравалі ў ўпраўленне Дзяржаўнага камітэта судовых экспертыз па Магілёўскай вобласці.

Экспертыза ўстанавіла, што пісталеты знаходзяцца ў ідэальным баявым стане — хоць зараз страляй. Больш за тое, яны ўяўляюць гістарычную каштоўнасць.

Два з іх аказаліся нямецкімі, а адзін — савецкім: Маузер і Люгер часоў Вялікай Айчыннай і пісталет Каравіна, вытворчасць якога ў СССР была спыненая перад пачаткам вайны.

Падобныя экзэмпляры звычайна належалі каманднаму складу Рабоча-сялянскай Чырвонай Арміі, супрацоўнікам НКВД і партыйным работнікам.

Аддзелам міліцыі Першамайскага раёна Бабруйска па дадзеным факце праводзіцца праверка.

Судовыя эксперты нагадваюць грамадзянам, што за незаконныя дзеянні з агнястрэльнай зброяй, боепрыпасамі і выбуховымі рэчывамі прадугледжана крымінальная адказнасць. Асоба, якая добраахвотна іх здала, ад яе вызваляецца (акрамя выпадкаў збыту).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com