Мастака-пастаноўшчыка серыяла «Ліквідацыя» арыштавалі ў Расіі па абвінавачанні ў «дзяржаўнай здрадзе»

Раней ён атрымаў прэміі «Залаты арол» і ТЭФІ.

Мастака-пастаноўшчыка расійскага серыяла «Ліквідацыя» Аляксандра Кандратава абвінавацілі ў дзяржаўнай здрадзе за публікацыі ў інтэрнэце. Пра гэта паведамляе карэспандэнт «Медыязоны» з залы Маскоўскага гарадскога суда, дзе адхілілі апеляцыю на арышт фігуранта.

Па словах адвакаткі мужчыны, у пастанове аб узбуджэнні справы пазначана, што ён «здзейсніў дзяржаўную здраду шляхам не менш як шасці публікацый» у інтэрнэце. Чаму яны былі прысвечаныя, абаронца не ўдакладніла.

Кандратаў працаваў мастаком-пастаноўшчыкам. За серыял «Ліквідацыя» ён атрымаў прэміі «Залаты арол» і ТЭФІ. Паводле звестак праекта «Падтрымка палітвязняў. Мемарыял», з 2012 года Кандратаў жыў у Кіеве і прыехаў, каб памяняць замежны пашпарт.

Мужчыну затрымалі ў аэрапорце Внукова 5 мая. Да ўзбуджэння справы ён знаходзіўся пад «карусельнымі арыштамі».

«Ліквідацыя» — вядомы расійскі шматсерыйны дэтэктыўны тэлесерыял 2007 года рэжысёра Сяргея Урсуляка, які распавядае пра барацьбу са злачыннасцю ў пасляваеннай Адэсе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com