Лукашэнка заявіў, што ягоная армія праграе суседнім краінам

Дыктатар паразважаў пра вайну.

Лукашэнка ў чарговы раз запэўніў, што нападаць ні на каго не збіраецца — праўда, патлумачыў гэта не міралюбствам, а банальным разлікам: маўляў, ваяваць з суседзямі — «смерці падобна». Заява прагучала 11 верасня на агульнавайсковым палігоне «Абуз-Лясноўскі» ў Баранавіцкім раёне.

«Некаторыя нас тут спрабуюць папракнуць, што, маўляў, заўтра мы на кагосьці збіраемся напасці. Яшчэ раз паўтараю: мы не збіраемся ні на каго нападаць, мы — прагматыкі. Мы разумеем, што калі мы на кагосьці, дапусцім, з нашых суседзяў, здзейснім напад, гэта смерці падобна. Выйграць канфлікт з нашымі «манстрамі» — дзяржавамі, размешчанымі па перыметры, — мы не можам. Навошта тады пачынаць вайну, калі зусім адкрыта? Але абараніць сантыметр, міліметр сваёй зямлі, нашае насельніцтва, забяспечыць бяспеку мы абавязаныя», — заявіў дыктатар.

Далей Лукашэнка перайшоў да звыклай тэмы «варожай разведкі» ля межаў — ізноў без якіх-кольвек доказаў.

«Перыядычна фіксуем рознага кшталту правакацыі, парушэнні паветранай прасторы. Але гэта не галоўнае. Галоўнае ў тым, што нашыя суседзі трацяць мільярды на ўзбраенне сваёй арміі», — паскардзіўся ён.

Звяртаючыся да вайскоўцаў, кіраўнік заклікаў іх быць гатовымі «да своечасовай і адэкватнай рэакцыі, калі раптам нешта здарыцца», зазначыўшы, што «вопыт сучасных узброеных канфліктаў паказвае: найважнейшая роля пры вядзенні ваенных дзеянняў адводзіцца кіраванню войскамі».

«Не можа быць ніякага супраціву, абароны, наступлення, не можа быць вайны без сувязі. Няма сувязі, няма кіравання войскамі — загінулі», — заявіў Лукашэнка.

Ён таксама падкрэсліў, што «ў умовах, калі ўвесь свет імкліва развівае інфармацыйныя тэхналогіі, сродкі разведкі, радыёэлектроннай барацьбы і падаўлення», адставанне ў гэтай сферы — «смерці падобнае».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com