Расійскія штурмавікі спрабавалі па газаправодзе пранікнуць з Курскай вобласці на Сумшчыну

Украінскія абаронцы ўдарылі па іх артылерыяй і дронамі.

Байцы ўкраінскай 47-й ОМБр «Магура» і іншыя падраздзяленні Сіл абароны Украіны ліквідавалі групу расійскіх штурмавікоў, якія спрабавалі пранікнуць з Курскай вобласці на Сумшчыну, прасоўваючыся па недзейным газаправодзе.

Пра гэта 47-яОМБр расказала ў Facebook, а таксама апублікавала кадры ўдараў па праціўніку.

Украінскія вайскоўцы ўдакладнілі, што вораг быў атакаваны артылерыяй, беспілотнікамі і іншымі сродкамі паражэння.

«Расіяне вырашылі рэінкарнаваць свой лаз праз трубу, якая цягнецца на Сумшчыну з Куршчыны. Але нешта зноў «пайшло не так», – гаворыцца ў паведамленні брыгады.

Вайскоўцы адзначылі, што гэты варожы партал знаходзіцца пад пастаянным кантролем 47-й брыгады і суседніх падраздзяленняў.

«Таму каля дзясятка штурмавікоў, што спрабавалі адтуль вылезці, былі разматаныя артылерыяй, дронамі і не толькі — зладжана і дакладна адпрацавалі ўсе брыгадныя падраздзяленні. І такі разбор чакае кожнага акупанта», – заявілі ўкраінскія абаронцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com