Чэмпіянат па зборы грыбоў у Літве: рэкордная колькасць удзельнікаў і ўражлівая здабыча

Найбуйнейшы баравік вагой 550 г знайшла каманда з Варэны.

У суботу ў Варэнскім раёне Літвы адбылося свята грыбоў «Лясная казка», на пачатку свята правялі 23-і чэмпіянат па зборы грыбоў, паведамляе delfi.lt.

У чэмпіянаце ўзяла ўдзел рэкордная колькасць удзельнікаў, перамагла мясцовая каманда з вёскі Жюрай «Слаўныя дзевахі», якая сабрала амаль 50 кг грыбоў.

Удзельнікі чэмпіянату маглі збіраць толькі тры віды грыбоў: баравікі, падасінавікі і лісічкі. За дзве гадзіны 43 каманды назбіралі 428 кг грыбоў. Чэмпіёны сабралі 49,9 кг грыбоў.

Мэр Варэнскага муніцыпалітэта Альгіс Кашэта уручыў ім твор рук разьбяра па дрэве Альгірдаса Юшкявічуса «Юны грыбнік», а пасол Тайваня Канстанцыя Ван – спецыяльны прыз.

«Слаўныя дзевахі» не хавалі, што іх перамога была абумоўленая тым, што яны збіралі грыбы «ў сябе дома» – у лесе, дзе праводзілі чэмпіянат, яны ведаюць кожнае дрэва, таму ведалі, дзе і якія грыбы шукаць.

Другое месца заняла каманда Nakcižibis, трэцяе месца дасталося камандзе «Першы раз».

Спецыяльны прыз уручылі самаму юнаму грыбніку, якому было 1 год і 7 месяцаў, Джугасу Мумяцкасу, і найстарэйшаму – спадару Апалінарасу, якому 86 гадоў.

Найбуйнейшы баравік вагой 550 г сёлета знайшла каманда «Кансерваваныя баравікі» з Варэны, а прыз самай вясёлай каманды атрымалі Akviukės з Друскінінкайскага аквапарка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com