Украіна нанесла моцны ўдар па нафтавым сектары Расіі

Адначасова паражаныя два буйныя НПЗ.

У ноч на 13 верасня Сілы абароны Украіны нанеслі ўдары па расійскай нафтавай галіне. Паражаныя НПЗ «Славянск Эка» ў Краснадарскім краі і «Танэка» ў Татарстане.

Інфармацыю афіцыйна пацвердзіў украінскі Генштаб.

На абодвух заводах у выніку атакі ўспыхнулі пажары. Наступствы цяпер удакладняюцца.

Аперацыю па паражэнні «Славянск Эка» ажыццявіла ваенная выведка — ГУР МА Украіны. Паводле яе даных, аб’ект атрымаў сур’ёзныя пашкоджанні.

«Паражана ключавая ўстаноўка перапрацоўкі нафты і рэзервуарны парк прадпрыемства, які жывіць злачынную вайну супраць Украіны. Густы дым і зарыва ад маштабнага пажару на расійскім НПЗ бачныя за дзясяткі кіламетраў», — паведамілі выведнікі.

Удар па «Танэка» ў Татарстане — справа рук украінскіх Сіл спецаперацый. БПЛА праляцелі каля 1,2 тыс. км, перш чым трапіць у мэту.

«Танэка» — адзін з самых буйных і сучасных НПЗ Расіі. Праектная магутнасць — больш за 16 млн тон у год… Прадукцыя завода забяспечвае патрэбы Узброеных Сіл РФ, а яе экспарт — папаўненне ваеннага бюджэту агрэсара», — паведамілі ў ССО.

Паводле даных Генштаба, на «Танэка» зафіксавана ўзгаранне аднаго з паліўных рэзервуараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com