У Еўропы ёсць свой Армуз

Ваенны эканаміст заклікаў закрыць для РФ выхад з Балтыйскага мора.

Нямецкі ваенны эканаміст Маркус Койпп заклікаў закрыць для краіны-агрэсара — Расіі выхад з Балтыйскага мора. Пра гэта ён заявіў у каментары для Frankfurter Rundschau, апублікаваным 13 верасня.

Койпп адзначыў, што ў Еўропы таксама ёсць свой Армузскі праліў. Гэта праліў Скагеррак паміж Даніяй, Нарвегіяй і Швецыяй, які з'яўляецца адзіным суднаходным шляхам з Балтыйскага мора ў Паўночнае мора і Атлантыку. Праз Скагеррак праходзіць адзін з найбольш загружаных марскіх маршрутаў у свеце.

Паводле слоў ваеннага эканаміста, перакрыццё гэтага маршруту стала б магутным ударам па Расіі, але для такога кроку патрабуецца палітычная мужнасць ЕС. Койпп падкрэсліў, што Уладзімір Пуцін разумее толькі мову сілы. На яго думку, Еўразвяз толькі цяпер пачынае «пераадольваць уласны страх перад Расіяй і выпрацоўваць нешта накшталт хрыбта». Таму пакуль Еўропа далёкая ад такой пазіцыі, дадаў ён.

Эканаміст падтрымаў новыя санкцыі ЕС супраць Расіі, пры гэтым назваўшы папярэднія пакеты недастаткова жорсткімі. Ён заклікаў да больш жорсткіх мер супраць расійскага «ценявога флоту», прывёўшы ў прыклад Італію, дзе ваенна-марскія сілы спыняюць і аглядаюць судны.

Паводле яго слоў, у Еўропы ёсць усе сродкі для такіх дзеянняў, пытанне толькі ў жаданні. Ён падкрэсліў, што менавіта такая пазіцыя неабходная, калі ЕС сур'ёзна настроены абараняць сябе ад расійскай агрэсіі, бо закрыццё Скагеррака нанесла б эканоміцы РФ значна большую шкоду, чым усе папярэднія санкцыйныя пакеты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com