Узброеныя сілы Украіны ўстанавілі рэкорд па знішчаных сродках супрацьпаветранай абароны Расіі

Упершыню з пачатку вайны за адзін месяц знішчана так шмат расійскіх сродкаў супрацьпаветранай абароны.

У верасні Сілы абароны Украіны ўстанавілі абсалютны рэкорд за ўсю вайну па колькасці знішчаных сродкаў СПА праціўніка за месяц. На гэта звярнуў увагу вядомы украінскі вайсковы аглядальнік Аляксандр Каваленка.

Так, паводле наяўных даных, за няпоўны верасень Расія страціла 76 сродкаў СПА. Папярэдні рэкорд быў устаноўлены ў разгар украінскага контрнаступу ў ліпені 2023 года – 73 адзінкі.

- Праца Сіл абароны па паляванні на расійскія сістэмы СПА дае свой вынік, як у плане эфектыўнасці далейшага ўздзеяння па часова акупаваных тэрыторыях, так і па самой Расіі, - адзначае Каваленка.

У цэлым з пачатку поўнамаштабнага ўварвання Расія страціла, паводле даных Генштаба Узброеных Сіл Украіны, 1673 адзінкі СПА. Як тлумачыць аглядальнік, сюды ўваходзяць вельмі розныя сістэмы - не толькі самаходныя зенітныя ўстаноўкі, але таксама элементы пэўных зенітна-ракетных комплексаў і радыёлакацыйныя сістэмы.

- Такую колькасць тэхнікі расійская армія ўжо ніколі не зможа аднавіць і кампенсаваць, а значыць вярнуцца да давоеннага паказчыка закрыцця неба ні тэхнічна, ні тэхналагічна ўжо не зможа, - рэзюмаваў Каваленка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com