РФ нанесла ўдар па рэзідэнцыі пасла Саудаўскай Аравіі ў Кіеве

Пад ударам таксама аказаліся школы і дзіцячыя сады.

Краіна-агрэсар Расія працягвае тэрор супраць Кіева і іншых украінскіх гарадоў. Толькі ў нядзелю расійскія акупанты запусцілі ўдарныя беспілотнікі па шэрагу грамадзянскіх аб’ектаў у Кіеве, уключаючы два дзіцячыя сады і дзве школы. Пад удар таксама трапіла рэзідэнцыя пасла Саудаўскай Аравіі.

Пра гэта распавёў прэзідэнт Украіны Уладзімір Зяленскі на сваёй старонцы ў X.

Кіраўнік дзяржавы адзначыў, што такі выбар мэт мае толькі адно вызначэнне — тэрарызм. Атакаваныя аб’екты не маюць ніякага ваеннага значэння. Такімі ўдарамі вораг імкнецца нанесці як мага больш шкоды ўкраінскаму народу.

Паводле слоў прэзідэнта Украіны, у выніку сённяшніх атак акупантаў ёсць загінулыя, дзясяткі людзей пацярпелі.

Тым часам у Дняпрапятроўскай вобласці вораг ударыў па спартыўнай школе, а на Сумшчыне — па абласным доме дзіцяці.

Кіраўнік дзяржавы адзначыў, што ўсе гэтыя ўдары дэманструюць нежаданне Расіі спыняць тэрор, і міжнародныя партнёры павінны цьвяроза ацэньваць сітуацыю.

Прэзідэнт Украіны папярэдзіў свет ад веры ў пустыя абяцанні Крамля.

«Расія ўмее падаваць такія абнадзейлівыя дыпламатычныя сігналы, якія ў свеце проста хочуць пачуць. Умее падаваць такія сігналы, каб адкласці жорсткія крокі з боку свету ў адказ на вайну», — заявіў лідар краіны.

У сувязі з гэтым прэзідэнт заклікаў поўнасцю рэалізаваць падпісаны ў ЗША закон імя сенатара Ліндсі Грэма аб новых санкцыях супраць Расіі. Украіна разлічвае на рашучыя крокі міжнародных партнёраў.

«Важна, каб і іншыя нашы партнёры з «Вялікай сямёркі» і «Вялікай дваццаткі» трымаліся прынцыповай пазіцыі», — дадаў украінскі лідар.

Прэзідэнт Украіны распавёў пра падрыхтоўку новых санкцыйных пакетаў, у тым ліку супраць фінансавых ланцужкоў, схем паставак кампанентаў і абсталявання для вытворчасці расійскай зброі. Абмежаванні закрануць таксама канкрэтныя прадпрыемствы і фізічных асоб, задзейнічаных у вытворчасці расійскай балістыкі.

Паводле слоў Зяленскага, новыя санкцыі могуць запрацаваць ужо ў кастрычніку, каб падштурхнуць краіну-агрэсара да рэальнай дыпламатыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com