Узброеныя сілы Украіны ліквідавалі чэмпіёна Еўропы, які стаў акупантам

«Штангіст» загінуў на вайне ва Украіне.

Сілы абароны Украіны ліквідавалі расійскага акупанта Саслана Гаглоева – чэмпіёна Еўропы па цяжкай атлетыцы сярод юніёраў. Спартсмен пайшоў на вайну добраахвотнікам і меў пазыўны «Штангіст».

Пра яго гібель 26 верасня паведаміў Камітэт па фізічнай культуры і спорце Санкт-Пецярбурга ў забароненай сацыяльнай сетцы «ВКонтакте», перадае unian.net.

Саслан Гаглоеў нарадзіўся 20 мая 1989 года. На спартыўных спаборніцтвах ён прадстаўляў Уладзікаўказ у Паўночнай Асеціі.

У 2008 годзе Гаглоеў стаў чэмпіёнам Еўропы сярод юніёраў па цяжкай атлетыцы. Праз год на чэмпіянаце свету сярод юніёраў ён заваяваў малую бронзавую медаль у рыўку і заняў чацвёртае месца ў агульным заліку.

Таксама ў 2009 годзе спартсмен заваяваў бронзу і малую срэбную медаль у штуршку на чэмпіянаце Еўропы сярод юніёраў.

У Гаглоева быў і шэраг іншых спартыўных дасягненняў. У 2007 годзе ён стаў чэмпіёнам Расіі сярод юнакоў да 18 гадоў, а ў 2010 годзе — чэмпіёнам Маладзёжнай Спартакіяды Расіі. У 2011 і 2012 гадах заваяваў срэбраную і бронзавую медалі чэмпіянату Расіі сярод спартсменаў ва ўзросце да 24 гадоў.

Пасля завяршэння спартыўнай кар’еры Саслан Гаглоеў працаваў трэнерам па цяжкай атлетыцы ў пецярбургскім Вучылішчы алімпійскага рэзерву № 2.

Расійскія прапагандысты сцвярджаюць, што Гаглоеў добраахвотна пайшоў на вайну супраць Украіны. На фронце ў яго быў пазыўны «Штангіст». У той жа час расійскі бок пакуль не паведамляе, калі менавіта і пры якіх абставінах Саслан Гаглоеў быў ліквідаваны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com