Месца, дзе чалавек жыве ў маладосці, уплывае на здароўе яго сэрца

Дзіўнае адкрыццё навукоўцаў з ЗША.

Калі верыць іх высновам, няспрыяльнае сацыяльнае асяроддзе павышае рызыку ўзнікнення ранніх прыкмет сардэчна-сасудзістых захворванняў у сярэднім узросце, піша «Нож».

Каманда прааналізавала даныя шматгадовага кагортнага даследавання CARDIA (Coronary Artery Risk Development in Young Adults) у ЗША. Аўтары гэтага даследавання адсочвалі здароўе сэрца ў адных і тых жа людзей на працягу дзесяцігоддзяў — пачынаючы з маладосці.

Спецыяльна для гэтай працы амерыканскія вучоныя распрацавалі новы комплексны індэкс сацыяльных умоў раёна. Паводле іх задумы, ён улічвае сацыяльна-эканамічныя характарыстыкі месцовасці, даступнасць прадуктаў, магчымасці для фізічнай актыўнасці і ўзровень злачыннасці.

Аналіз даных паказаў: змяншэнне індэкса на адну адзінку — напрыклад, пераезд у менш спрыяльны раён — карэлюе з падвышанай верагоднасцю з’яўлення праблем з сэрцам на сёмым, 15-м і 20-м годзе даследавання. Негатыўны эфект быў умераным, але стабільным.

«Мы выявілі крытычны прабел у ведах: нам патрэбны больш комплексны падыход да ацэнкі сацыяльных дэтэрмінантаў здароўя ў месцы пражывання і да разумення таго, як гэтыя фактары ўплываюць на рызыку развіцця сардэчна-сасудзістых захворванняў на працягу ўсяго жыцця», — кажа прафесар Ліфан Хоу, старшы аўтар даследавання.

На думку даследчыкаў, іх распрацоўкі спатрэбяцца і лекарам, і урбаністам, і спецыялістам у сферы гарадской палітыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com