Лукашэнка сустрэўся з другім па багацці расійскім алігархам

Дыктатар і бізнесмен абмеркавалі «сумесную працу ў машынабудаванні».

Лукашэнка правёў сустрэчу са старшынём праўлення кампаніі «Норнікель» Уладзімірам Патаніным. Пра гэта 8 верасня паведаміла прэс-служба беларускага узурпатара.

Дыктатар і бізнесмен абмеркавалі «сумесную працу ў машынабудаванні».

У прэс-службе Лукашэнкі нагадалі, што напярэдадні БЕЛАЗ і «Норнікель» падпісалі пагадненне аб супрацоўніцтве. Згодна з інфармацыяй дзяржаўнага агенцтва БЕЛТА, кампаніі плануюць сумесна займацца стварэннем горнай тэхнікі новага пакалення, ўкараненнем беспілотных тэхналогій у горназдабыўной галіне і іншымі інавацыйнымі распрацоўкамі.

Для рэалізацыі гэтых праектаў прадугледжваецца стварыць сумеснае прадпрыемства, а таксама завод з поўнапрофільнай рамонтнай базай. Ён будзе займацца вытворчасцю, рамонтам і абслугоўваннем падземнай горнай тэхнікі.

Уладзімір Патанін — расійскі прадпрымальнік і мільярдэр, прэзідэнт холдынгу «Інтэррос» і горна-металургічнай кампаніі «Норнікель». У рэйтынгу расійскіх мільярдэраў Forbes ён займае другое месца. Паводле звестак выдання на 17 красавіка 2026 года, стан Патаніна ацэньваецца ў 29,7 млрд долараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com