МТС таксама прыватызуюць?

Беларусь гатовая да абмеркавання пытання аб павелічэнні пакета МТС у аднайменным расейска-беларускім СП да кантрольнага з цяперашніх 49%, паведаміў журналістам намеснік міністра сувязі Іван Рак.

«Ёсць даручэнне вывучыць гэтае пытанне. Ён знаходзіцца ў стадыі разгляду. Неабходна зрабіць ацэнку, калі гэтае пытанне будзе вырашацца», – цытуе намесніка міністра Reuters.

Іван Рак, між іншым, адмовіўся назваць велічыню і магчымы кошт меркаванага пакета і сказаць штосьці пра тэрміны развязання гэтага пытання.