У грамадзяніна Беларусі пад Тулай канфіскавалі 3 кіло гераіну

Тры кілаграма небяспечнага грузу знайшлі ў грамадзяніна Беларусі расейскія праваахоўнікі. Схованка была пад ашалёўкай сядзення кіроўцы асабістага аўто: тры пакеты па кілаграме кожны. Экспертыза ўсталявала, што гэта гераін.

Сёння цана аднаго грама так званага "вулічнага гераіну", утрыманне наркотыку ў якім складае 5-7%, перавышае 70 даляраў. Значыць, цана канфіскаванай партыі – больш за 200.000 даляраў. Калі ж у ёй быў гераін больш высокай пробы, яе цана можа ўзрасці ў дзесяткі разоў.

26 студзеня а палове на шостую раніцы на 192-м кіламетры трасы Масква–Крым нарад ДЗІБДР спыніў нібыта для праверкі дакументаў аўтамабіль "ВАЗ-211203". Супрацоўнікі міліцыі дзейнічалі сумесна з аператыўнікамі Федэральнай службы па барацьбе з пазапраўным абарачэннем наркатычных сродкаў РФ: паводле аператыўнай інфармацыі, у спыненай машыне павінен знаходзіцца гераін. Машына была жоўтая, прыкметная, а яе кіроўца, 32-гадовы выхадзец Беларусі, зусім не чакаў, што яго аўто пачнуць абшукваць.

Схованка была пад ашалёўкай сядзення кіроўцы: тры пакета па кілаграме кожны. Экспертыза ўсталявала, што гэта гераін. Як паведамілі "Тульскаму гарадскому парталу" ў прэс-службе УПФСН, канфіскаваная партыя – самая буйная за ўвесь час існавання службы (канфіскоўвалі і больш, але не ў кур'ераў, а ў схованках).

Цяпер мужчына знаходзіцца пад арыштам, і пакуль яму пагражае артыкул за перавозку наркотыку ў адмыслова буйных памерах. То бок, адказваць яму прыйдзецца па артыкуле 228 частка 2 (да 10 гадоў пазбаўлення свабоды), але следства прад'явіць і артыкул за кантрабанду гераіну (пакаранне – да 12 гадоў пазбаўлення свабоды), бо груз быў дастаўлены з Беларусі.