БАТЭ выйшаў у чвэрцьфінал Кубка Беларусі
- 20.11.2008, 15:55
БАТЭ прабіўся ў чвэрцьфінал Кубка Беларусі па футболе. У сталіцы барысаўскія футбалісты з лікам 4:1 перамаглі мясцовы «Менск».
Паколькі ў першай сустрэчы перамагла сталічная каманда з такім жа лікам, суддзя прызначыў пенальці, паведамляе «Еўрарадыё».
Два ўдары парыраваў брамнік БАТЭ Аляксандр Гутар, галкіпер «Менска» адбіў толькі адзін удар. Такім чынам, серыя пенальці скончылася з лікам 4:3 на карысць барысаўчан.
