Жорсткія забаўкі магілёўскіх падлеткаў

У Магілёве непаўнагадовыя падлеткі збівалі сваіх аднагодкаў, а сцэны гвалту запісвалі на мабільны тэлефон.

У міліцыю звярнуліся бацькі збітага пятнаццацігадовага падлетка. Да яго своечасова падаспелі на дапамогу аднакласнікі і пазналі вучняў суседняй школы, якія нападалі. Па словах бацькоў пацярпелага, відэа з збіваннем іх сына яго аднакласнікі ўжо бачылі ў Інтэрнэце.

У канфіскаваным у аднаго з малалетніх хуліганаў мабільным тэлефоне следчыя знайшлі відэа яшчэ адной такой сцэны, а самі нападаўшыя прызналіся – на іх рахунку ёсць і іншыя факты збівання, перадае тэлеканал ОНТ.

Да здзіўлення следчых, усе ўдзельнікі «байцоўскага клуба» – з шчаслівых сем'яў. Напрыклад, адзін з іх сын дырэктара школы. Псіхолагі такія паводзіны падлеткаў тлумачаць недахопамі выхавання і асаблівасцямі падлеткавай псіхікі.

Пакуль крымінальныя справы па артыкуле «Злоснае хуліганства» ўзбуджаныя ў дачыненні двух падлеткаў. Паводле дадзеных следства, усяго іх было каля 8 чалавек. Ступень удзелу кожнага з іх у збіванні яшчэ маецца ўсталяваць. Адказнасць па дадзеным артыкуле Крымінальнага кодэкса прадугледжаная аж да пазбаўлення свабоды да 6 гадоў. І пачынаючы з чатырнаццацігадовага ўзросту, падлетак, калі так вырашыць суд, можа адказваць за свае дзеі па ўсёй строгасці закона..