За непрышпільны рэмень аштрафуюць па максімуме
2- 13.02.2008, 14:18
Менская дзяржаўтаінспекцыя ўзмацняе кантроль за выкарыстаннем кіроўцамі і пасажырамі рамянёў бяспекі, паведамілі "Інтэрфаксу" ў УДАІ ГУУС Менгарвыканкама.
Акрамя таго, будзе звернутая падвышаная ўвага на кіроўцаў, якія карыстаюцца падчас руху тэлефонамі, паведамілі ў міліцыі. Да парушальнікаў будуць ужывацца максімальныя штрафы. За непрышпільны рэмень штраф будзе складаць 35 тысяч рублёў, за гутарку па мабільным тэлефоне – 70 тысяч, піша Інтэрфакс.
Паводле інфармацыі ДАІ, Менску за згаданыя парушэнні штодня прыцягваюцца да адказнасці каля 200 кіроўцаў.
