Апазіцыянера Змітра Жалезнічэнку пакінулі ў войску
4- 6.03.2008, 15:37
Сёння суддзя Цэнтральнага суду Гомеля Жанна Андрэйчык не падтрымала скаргу маці актывіста і прызнала законным адлічэнне Змітра з Гомельскага універсітэту.
Нагадаем, 22 студзеня Змітра Жалезнічэнку паўторна адлічылі з Гомельскага дзяржаўнага ўніверсітэта, пасьля таго як 16 студзеня ён быў адноўлены паводле пастановы суду.
Загад рэктара аб паўторным адлічэнні ў судзе Цэнтральнага раёна Гомеля абскардзіла маці Жалезнічэнкі, паколькі сам Зміцер 25 студзеня тэрмінова быў пакліканы ў войска. Зараз ён служыць у транспартных войсках. Учора яго прывезлі ў Гомель адмыслова дзеля судовага паседжання, паведамляе «Радыё Рацыя».
