На 9,3% падаражэў газ
- 1.08.2008, 16:36
У Беларусі на 9,3% павялічаныя кошты на прыродны газ для юрыдычных асоб і індывідуальных прадпрымальнікаў.
Такое рашэнне зацверджанае пастановай Міністэрства эканомікі ад 24 ліпеня 2008 года № 154.
З 1 жнівеня кошт газу для ўказаных спажыўцоў складзе $158,67 за тысячу кубаметраў (без ПДК) супраць $145,18, паведамляе АФН.
Неабходнасць перагляду коштаў на прыродны газ паўстала ў сувязі з падаражэннем кошту набыцця прыроднага газу ў Расейскай Федэрацыі, паведамляе прэс-служба Міністэрства эканомікі.
Кошт імпартуемага Беларуссю расейскага газу ў другім квартале 2008 года падаражэў на 7,6% і склаў $128 за тысячу кубаметраў супраць $119 у першым квартале.
