У Беларусі пройдзе буйны перадзел уласнасці

Дзяржкамітэт па маёмасці распрацаваў праэкт указу, што прадугледжвае 2-кротнае павялічэнне падаткаў на нерухомасць і зямлю, якую “неэфектыўна” выкарыстоўваюць.

Аб гэтым паведаміў старшыня ДКІ Георгій Кузняцоў падчас прамовы ў Менску на паседжанні прэзыдыюма Рады міністраў.

“Мы распрацавалі праэкт указу, які прадугледжвае 2-кротнае падвышэнне падатку на нерухомасць, калі яе выкарыстоўваюць неэфектыўна, і падатку на зямлю пад гэтымі аб’ектамі, таксама 2-кротнае”, - сказаў Кузняцоў.

Тым часам ён падкрэсліў, што дадзены праэкт указу не ўзгаднілі асноўныя галіновыя аддзелы. “У выніку выплаты падвышанага падатку прыбытак прадпрыемстваў можа зменшыцца ў 2 разы, шэраг сённяшніх прыбыткавых прадпрыемстваў ператворацца ў стратныя, а фінансавае становішча стратных прадпрыемстваў яшчэ больш пагоршыцца”, - прывёў Г. Кузняцоў матываванне супраціўнікаў гэткага рашэння.

“Гэты ўказ непапулярны й жорсткі, але сытуацыя з невыкарыстоўвальнай дзяржаўнай маёмасцю патрабуе менавіта гэткіх мераў”. – падкрэсліў старшыня ДКІ.

Ён канстатаваў, што раней прынятыя пастановы й даручэнні кіраўніцтва па ўцягванню ў абарот невакарыстоўваймай дзяржаўнай маёмасці выконваецца далёка ня цалкам.

У прыватнасці, за першыя паўгады былі прададзенымі 262 аб’екты камунальнае ўласнасці, што складае 15% ад заплянаванага на год. На 1 жніўня гэтага году з 750 аб’ектаў рэспубліканскае ўласнасці, заплянаваных на продаж, падрыхтаваныя праекты пастановаў па 365 аб'ектах, прынятыя пастановы па 139 аб’ектах. Пры гэтым з 75 аб’ектаў, якія выстаўленыя на продаж, прададзена толькі 37.

Згодна меркаванню Г. Кузняцова, асноўнай прычынай нізкіх тэмпаў уцягвання ў абарот невыкарыстоўвальнай дзяржаўнай маёмасці з’яўляецца незабеспячэнне ўнясення галіновымі дзяржаўнымі ворганамі ў кіраўніцтва праэктаў пастановаў аб продажу невыкарыстоўвальных аб’ектаў да 1 ліпеня. Дагэтуль непадрыхтаваныя праэкты пастановаў аб продажу 208 аб’ектаў. У звязі з гэтым старшыня ДКІ папрасіў прэм’ер-міністра даць даручэнне дзяржворганам да 22 жніўня ўнесці ў кіраўніцтва адпаведныя прапановы.

Апрача таго, не падрыхтаваныя праэкты індывідуальных пастановаў па 36 аб’ектах рэспубліканскае ўласнасці, якія вінныя быць прададзенымі за адну базавую велічыню. Адзначая, што такія праэкты падрыхтаваныя толькі па 9 аб’ектах, Г. Кузняцоў прапанаваў прэм’еру даручыць падрыхтаваць адпаведныя пастановы да 1 верасня.

Г. Кузняцоў таксама паведаміў, што Дзяржкаммаёмасць падрыхтавала й праэкт указу аб шафунку дзяржмаёмасцю, які наблізіць працэдуру адчужэння аб’ектаў нерухомасці й вырашэнне зямельных пытанняў. Пры гэтым ён канстатаваў шэраг непрынцыповых разыходжанняў з Дзяржкамітэтам дзяржкантролю па праэкту ўказа й выказаў здагадку, што спрэчныя моманты будуць у хуткім часе вырашанымі.

Згодна дадзеных старшыні ДКІ, за першыя паўгады гэтага году ў гаспадарчы абарот ўцягнута 2 808 аб’ектаў нерухомасці, у тым ліку 662 рэспубліканскай і 2 146 камунальнай уласнасці. За першыя паўгодкі праведзена 198 аўкцыёнаў, на якіх прапаноўваліся продажы 1 330 аб’ектаў, паспяховымі былі 93 аўкцыёны, падчас якіх прададзена 350 аб’ектаў, у тым ліку 128 аб’ектаў пачатковага кошту продажу адна базавая велечыня. Прыбытак у бюджэт ад продажу гэтых аб’ектаў склаў BR 18 млрд.