Вайсковы пераварот у Маўрытаніі: арыштаваны прэзідэнт (Відэа)
- 6.08.2008, 13:52
Вайсковы пераварот у Маўрытаніі адбыўся ў сераду. Паводле паступаючых са сталіцы краіны Нуакшота дадзеных, вайскоўцы вывелі з эфіру тэлевізійныя і радыёстанцыі, узялі пад кантроль прэзідэнцкі палац.
Прэзідэнт Маўрытаніі Сідзі Шэйх Мухамед Абдаллахі, прэм'ер-міністр Яхъ'я Вагф і кіраўнік МУС затрыманыя.
"Вайскоўцы батальёна прэзідэнцкай аховы прыйшлі да нас дадому і забралі майго бацьку", - заявіла дачка прэзідэнта Маўрытаніі.
Па першапачатковых дадзеных, пераварот адбыўся пасля таго, як прэзідэнт краіны прыняў рашэнне змясціць з пасадаў шэраг прадстаўнікоў вышэйшага вайсковага кіраўніцтва.
Цяперашні вайсковы пераварот - ужо другі за два гады.
