На Менскім заводзе шасцярон адбыўся моцны пажар
8- 16.10.2009, 10:25
Пасля прыбыцця падраздзяленняў МНС гарэлі транспарцёрная стужка, алей, металічная стружка, быў моцна задымлены цэх.
Як паведамляе БелТА, на момант пажару цэх не эксплуатаваўся. Для ліквідацыі пажару прыцягваліся 32 адзінкі выратавальнай тэхнікі і 100 працаўнікоў МНС.
Агнём было знішчана 80 і пашкоджана 90 пагонных метраў транспарцёрнай стужкі. Паводле папярэдняй версіі, пажар узнік па віне двух працоўных, якія знаходзіліся ў стане алкагольнага ап'янення і праводзілі рамонт у цэху.
