Навучэнцаў аўташкол будуць правяраць на псіхалагічную ўстойлівасць
2- 25.02.2009, 9:57
Такую ініцыятыву прапанаваў начальнік аддзела бяспекі руху на транспарце БелНДІТ Міхаіл Свістун.
Ён рэкамендаваў курсантам сталічных аўташкол праходзіць псіхафізіялагічнае тэставанне.
Як перадае агенцтва «Минск-Новости», у пачатку года пачатая распрацоўка комплекснай праграмы, што забяспечыць памяншэнне аварыйнасці на аўтатранспарце штогод на 4-4,5%. Яна мяркуе, у прыватнасці, выкарыстанне комплексу псіхафізіялагічнага тэставання кіроўцаў.
Па меркаванні «Ежедневника», гэта вельмі своечасовая мера. Зараз сталіцы патрэбныя стрэсаўстойлівыя курсанты, якія не нярвуюцца з нагоды дарагога бензіну, адсутнасці месцаў для паркоўкі, затораў на цэнтральных вуліцах у гадзіны пік і дарагоўлі новых аўтамабіляў.
