28 сакавiка 2024, Чацвер, 12:32
Падтрымайце
сайт
Сім сім,
Хартыя 97!
Рубрыкі

Кіраўнік МУС апраўдвае бясчынства АМАПа (Фота)

34
Кіраўнік МУС апраўдвае бясчынства АМАПа (Фота)

Міністр МУС сёння заявіў, што падчас акцый апазіцыі журналісты самі правакуюць АМАП на грубасць.

Падчас сённяшняй прэс-канферэнцыі ў Менску журналісты паскардзіліся міністру ўнутраных спраў Беларусі Анатолю Куляшову на грубыя дзеянні міліцыянтаў падчас масавых акцый, калі тыя перашкаджаюць фотакарэспандэнтам і відэааператарам выконваць свае прафесійныя абавязкі, паведамляе «Радыё Свабода».

«Мне пра гэта нічога не вядома», -- сказаў Куляшоў і прапанаваў журналістам паведамляць асабіста яму пра такія выпадкі і дасылаць фотаздымкі тых супрацоўнікаў праваахоўных органаў, якія гэта робяць. Пры гэтым міністр не выключае, што гэта былі правакацыі з боку альбо саміх журналістаў, альбо ўдзельнікаў акцый.

Нагадаем, што 23 верасня Беларуская асацыяцыя журналістаў накіравала у пракуратуру і МУС лісты, патрабуючы правесці расследаванне па фактах парушэнняў правоў журналістаў падчас правядзення акцыяў апазіцыі на Кастрычніцкай плошчы. 30 кастрычніка журналісты атрымалі ліст з Галоўнага ўпраўлення ўласнай бяспекі (ГУУБ) Міністэрства ўнутраных справаў. У адказе за подпісам начальніка трэцяга ўпраўлення ГУУБ МУС Віталя Кісцернага паведамляецца, што па заяве праведзеная вычарпальная праверка ГУУС Менгарвыканкама, пра вынікі якой БАЖ быў паінфармаваны ў «вызначаным законам парадку».

Але ніякай паперы з вынікамі праверкі БАЖ так да гэтага часу і не атрымаў. Нягледзячы на тое, што юрысты тэлефанавалі міліцыянтам і нагадвалі пра абяцанне даслаць ім гэты ліст не аднойчы.

Больш за тое, у момант разгляду скаргі, 16 кастрычніка, падчас разгону мірнай акцыі салідарнасці супрацоўнікі АМАПа зноў блакавалі працу журналістаў. Калі падчас разгону акцыяў 9 і 16 верасня да кожнага журналіста прыстаўлялі па 2-3 чалавекі, дык ў гэты раз прадстаўнікоў СМІ атачалі па 5 амапаўцаў, якія хапалі аб'ектывы і пашкоджвалі апаратуру.

22 кастрычніка намеснік міністра ўнутраных справаў Беларусі Яўген Полудзень заявіў, што ў распрацоўцы комплексу мер па працы з журналістамі беларуская міліцыя абапіраецца на досвед калег з Нямеччыны.

«Падчас сваіх візітаў у Нямеччыну мы перанялі досвед працы паліцыянтаў на акцыях «правых», «левых», «зялёных». Там прэса не мае права здымаць на фота і відэа твары як супрацоўнікаў паліцыі, так і ўдзельнікаў акцый. Толькі агульны план. Думаю, такі досвед трэба пераняць», - сказаў ён.

У адказ на сцвярджэнне намесніка кіраўніка МУС Беларусі ў Саюзе журналістаў Нямеччыны заявілі, што «калі на дэманстрацыі паліцыя збівае людзей, праца журналіста — задакументаваць гэта».

Фота bymedia.net

Фота bymedia.net

Фота bymedia.net

Фота Белапан

Напісаць каментар 34

Таксама сачыце за акаўнтамі Charter97.org у сацыяльных сетках