Улада баіцца інфармацыі аб дэмакратычных кандыдатах (Фота)

Робіцца ўсё, каб перашкаджаць распаўсюджванню інфармацыі аб прэтэндэнтах на пасаду прэзідэнта Беларусі.

Як паведамляе прэс-служба грамадзянскай кампаніі «Еўрапейская Беларусь», у тых нешматлікіх месцах, якія вылучаліся гарадскімі і раённымі выканаўчымі камітэтамі для размяшчэння агітацыі, выяўлены грубыя парушэнні Выбарчага кодэкса Рэспублікі Беларусь, у якім выразна прапісана (артыкул 45):

«Не дапускаюцца зняццё, заклейванне, замазывание, пашкоджанне плакатаў, калі гэтыя плакаты вырабленыя і размешчаныя з захаваннем патрабаванняў заканадаўства Рэспублікі Беларусь».

Нягледзячы на гэты артыкул Выбарчага кодэкса, сутыкнуліся з парушэннямі. Жадаючы дагадзіць уладам, «старанныя» дворнікі, рэкламшчыкі, супрацоўнікі магазінаў і нават, як было заўважана, супрацоўнікі міліцыі, штодня зрываюць, заляпляюць і псуюць плакаты ў падтрымку кандыдата ў прэзідэнты Андрэя Саннікава і іншых кандыдатаў. На скаргі давераных асобаў выканкамы і выбаркамы усміхаючыся, разводзяць рукамі, маўляў «нічога не можам зрабіць - гэта народ выказвае сваё меркаванне».

Такое адбываецца ў Слуцку, Дзяржынску і іншых гарадах і раённых цэнтрах. Гэта сведчыць пра культуру і простае выкананне закона цяперашніх уладаў.