У Менск едзе Элтан Джон
23- 7.05.2010, 14:55
Папулярны брытанскі рок-спявак, кампазітар, піяніст Элтан Джон выступіць у Менску з канцэртам.
Пра гэта TUT.BY паведаміў вядомы беларускі піяніст Расціслаў Крымер. Арганізатарам канцэрту з'яўляецца нядаўна створанае агенцтва «Беларт прадакшн энд энтертеймент».
Расціслаў Крымер запрасіў сэра Элтана Джона выступіць у беларускай сталіцы падчас адной ўрачыстай цырымоніі, якая праходзіла ў Каралеўскай акадэміі музыкі ў Лондане.
Днямі Менск наведаў менеджэр брытанскага музыканта. Ён пазнаёміўся з горадам, агледзеў «Менск-Арэну», дзе 26 чэрвеня пройдзе канцэрт.
Па словах Крымера, сэр Элтан Джон выканае ўсе свае самыя вядомыя хіты за 40-гадовую кар'еру. Мінімальны кошт білета на канцэрт брытанскай знакамітасці будзе складаць 140 тысяч рублёў. Па словах Р. Крымера, «гэта цалкам бюджэтны варыянт».