Каля Смаргоні згарэла расейская фура (Фота)

Па словах сведкаў, полымя ўспыхнула ў раёне паліўнага бака, які праз некалькі хвілінаў выбухнуў.

Кіроўца, на шчасце, паспеў спыніць машыну, якая палала, а потым з яе выскачыў. Надзвычайнае здарэнне адбылося на трасе непадалёк ад Смаргоні, паведамляе «Наша Ніва».

Нарад МНС прыехаў хутка, але агонь атрымалася патушыць толькі з другой спробы, калі была пададзеная пена.

Фура была з расейскімі нумарамі. Пасля здарэння рух на трасе аднавіўся толькі праз хвілін 40.