Спісы даўжнікоў за жыллёва-камунальныя паслугі вывешваюць у пад'ездах

Працаўнікі жыллёва-камунальнай гаспадаркі маюць намер рэгулярна вывешваць спісы даўжнікоў на пад'ездах дамоў.

На сёння запазычанасць насельніцтва Беларусі па аплаце жыллёва-камунальных паслугаў за студзень-верасень 2011 года знізілася на 9,2% у параўнанні з аналагічным перыядам мінулага года і склала 27,4 млрд. руб.

Пратэрмінаваная запазычанасць насельніцтва па стане на 1 кастрычніка 2011 года маецца на 163,9 тыс. асабовых рахункаў, што складае 5,5% іх агульнай колькасці (больш за 2,939 млн.). Аб гэтым паведамілі БелТА у Міністэрстве жыллёва-камунальнай гаспадаркі.

У міністэрстве паведамілі, што ў студзені-верасні за нявыплату плацяжоў камунальныя паслугі (вада, электрычнасць і газ) былі адключаныя 37,1 тыс. чалавек. Было пададзена 55,7 тыс. пазоваў у суды на спагнанне даўгоў на суму каля 21,6 млрд. руб. Здзейснена 9 тыс. выканаўчых надпісаў натарыусаў на суму 3,2 млрд. руб. За доўгую няплату жыллёва-камунальных паслуг у студзені-верасні бягучага года зарэгістравана 103 выпадкі высялення грамадзянаў.