Цягнік Віцебск-Смаленск "замініравалі"
4- 4.04.2011, 11:18
У Ліозненскім раёне на выходных "замініравалі" цягнік.
Пра гэта паведаміў начальнік Віцебскага аддзела ўнутраных спраў на транспарце Сяргей Стэльмах, перадае БелТА.
Тэлефанаванне аб мініраванні цягніка Віцебск-Смаленск паступіла на дзяжурную лінію "102" 2 красавіка ў 15.20, калі састаў адправіўся са станцыі Ліозна. Невядомы паведаміў, што ў цягніку знаходзіцца дзве бомбы.
Тэрміновая эвакуацыя больш за 110 пасажыраў, якія знаходзіліся ў чатырох вагонах, была праведзеная праз некалькі хвілін на запасным шляху прыпынкавага пункту Чэрніцы. Пры абследаванні састава супрацоўнікі МНС і сапёрнай групы ніякіх выбуховых рэчываў не выявілі. Затрымка ў руху дызель-цягніка склала амаль 1,5 гадзіны.
Асобу падазраванага "добразычліўца" міліцыянты ўсталявалі хутка. Ім стаўся 44-гадовы жыхар Віцебска.
Па дадзеным факце ўзбуджаная крымінальная справа па ч.1 арт. 340 Крымінальнага кодэкса Беларусі ("Загадзя ілжывае паведамленне аб небяспецы"), якая прадугледжвае да пяці гадоў пазбаўлення волі. Вядзецца следства.