Беларусь у чарзе за крэдытам ЕўрАзЭс

Антыкрызісны фонд ЕўрАзЭС разглядае заяўкі на фінансаванне праектаў на суму 4,7 млрд даляраў.

Пра гэта паведаміў сакратар супольнасці Мурат Мусатаеў, перадае «Прайм-ТАСС».

Па ягоных словах, у цяперашні час фондам разглядаюцца заяўкі, якія паступілі з Беларусі, Казахстана, Кіргізіі, Таджыкістана і Арменіі.

Мусатаеў таксама адзначыў, што шэраг праектаў ужо быў прафінансаваны з удзелам Еўразійскага банка развіцця і антыкрызіснага фонду Цэнтра высокіх тэхналогій ЕўрАзЭС. Агульны аб'ём інвестыцый, па дадзеных сакратара супольнасці, складае 2,7 млрд даляраў.

«На стадыі разгляду знаходзяцца праекты на агульную суму 13,5 млрд даляраў», - дадаў Мусатаеў.

Нагадаем, Беларусь звярнулася да антыкрызіснага фонду ЕўрАзЭС за крэдытам у 2 мільярды даляраў.