Закрыццё «Народнай Волі»: падрыхтоўчае судовае пасяджэнне

Сёння праходзіць падрыхтоўчае судовае паседжанне па пазове аб закрыцці газеты «Народная Воля».

Міністэрства інфармацыі Беларусі, нагадаем, падало іскавую заяву ў Вышэйшы гаспадарчы суд аб спыненні выпуску газеты, піша сайт «Народнай волі».

Пазоўная заява пададзеная ў адпаведнасці з падпунктам 2.2. пункту 2 арт.51 закона Рэспублікі Беларусь «Аб сродках масавай інфармацыі». Згодна з гэтым дакументам, орган дзяржкіравання ў сферы масавай інфармацыі можа прад'явіць у суд пазоў аб спыненні выпуску сродкі масавай інфармацыі ў выпадку вынясення выданню на працягу года двух і больш пісьмовых папярэджанняў.

Галоўны рэдактар ​​газеты Іосіф Сярэдзіч лічыць, што папярэджаньні, якія на працягу года атрымала «Народная Воля» па ведамаснай лініі, не з'яўляюцца падставай для такога жорсткага пакарання выданню і ягоным шматлікім чытачам.